لي متـى قلبي أسيـــــــرك
لي متى عيني تهـــــلّ
لي متـى أبكي هجيــــــرك
وأنت يمي لك محــــل
أرتعــش اللــه يجـيـــــرك
قلبـي اللي ما يمــــــلّ
يشتكي قسـوة ضميــــرك
كيف تخدعني وتحــــل
ما عطيت الـحب غيـــرك
وأنت تجرح ما تمــــلّ
لا تقولي ما أبي غيرك
الكـذب مـا يكتمــــــــل
عــــاذلٍ مـوّت ضمـيــرك
مبعدٍ عنــه الخجـــــــل
ما لـه إلاّ فـي عشـيـــرك
طعن وسيوفٍ تســـــلّ
وأنت راضي به يشيــرك
كيف دربك ما يـــــــزلّ
يا حسـافـه طـار طيـــرك
مدمـيٍ جرحـه يهــــــلّ
وانطفـى نجـمٍ ينيـــــــرك
وأنا بي حـلّ الأجـــــــل
كثّـر اللـه ألــف خيـــرك
تهـدي المـوت بعجـــــل
ـــــــــــــــــــــــــــــــــــــــ
الصوره من مكتبة تصاميم عاشق زيزو او طالع الاسمري
الكلمات للشاعر/ فهد بن مشعل
ــــــــــــــــــــــــــــــــــــــــ
رائعه رائعه
لم اجد بها سوى خالد عبدالرحمن
دمت بهذا الابداع اخي الكريم
حقا استمتعت هنا
يكفيني مرورك وطلت مهاجره
دمتي بهذه الروعه تحيتي العطره لك
اخوك طالع الاسمري
كلمات ولا أروع تسلم على الابيات الجميله