يامن دهتنـي عيونـك واحتوتنـي يديـك
الله يسامحْك كيـف تقـول مـاذا دهاك
ماتدري انـي متيّـم بـك وكلـي لديـك
مملوك مأسـور مسبـي مستهـام بهواك
أموت كلي معك .. واموت فيـك
وعليـك واغليك لكـن عسـى الله مايبيّـن غلاك
واحنّ اليك .. وعليك احـنّ مـن والديـك
ومن لهفتـي عيـن قدّامـك وعينٍ وراك
أشتاق لك واشتكي لك منك واشكيك اليـك
كلك ملكني .. وكلك فـي عيونـي ملاك
جادلك
جيدك
جبينـك
خنجـرك
حاجبيـك
اسمك
سماتك
سمّـوك
سِسْتِمِـك
مستواك
جوريْك
جمرك
لجينك
عسجـدك
وجنتيـك
ذرابتِك
رقّتِك
روعـة حضـورك
بهاك
وجهك
وهج مبسمِـك
بسمَتْـك
غمّازتيـك
براءتك
خالك اللي لاذ بايسـر شفاك
سِجِنّجِلِـك
جل نـارك
نرجسِـك
كركديـك
كاديك
مسكك
نسيمك
شمس صبحك
مساك
سلهام عينك
نَعَس طرفك
حَور مقلتيك
بوهَتْك
ملحك
حلاتك
خـف دمـك
حياك
ما اعرف اداري ولا اهدّي ولا امسك بريك
لاجيت اجي كلي .. وكلي عسانـي فداك
أقدّم الروح كاش .. وباقـي العمـر شيـك
باسمك مصدّق ولا يصرف لحـيٍ سواك
يامن دهتنـي عيونـك واحتوتنـي يديـك
الله يسامِحْـك كانـك قلـت مـاذا دهاك
ـــــــــــــــــــــــــــــــــــــــــــ
الصوره من مكتبة تصاميم عاشق زيزو او طالع الاسمري
كلمات الشاعر خليل الشبرمي
ــــــــــــــــــــــــــــــــــــــــــــ
تصميم رااائع
وابيات جميله صح لسان ابو اديب
وسلمت على تصميمك الجميل
اماني مرورك هو الاروع بصفحتي
تحيتي لك والله لايحرمني طلاتك
اخوك طالع الاسمري