يا سيدي سيد الكل من جد
هذا الحكي ماهو مجرد تعابير
لكن عهد واجب ولازم ولابد
يرسل لابو متعب مع كل التقدير
يا مكرم الشعب السعودي بلاحد
يدعون لك عشرين مليون بالخير
يالعربي الساس جدٍ وراء جد
سبحان من سخرك للخير تسخير
في عصرنا هذا ما لك نظير ولا ند
يا اشهر من اللي قالوا انهم مشاهير
سالم لمن سلم وضد لمن ضد
وما لا يصير يصير لو ودك يصير
من ربي افضالك علينا بلا عد
معيارها حطم جميع المعايير
من عاش معك اليوم ما همه الغد
حيث انت غير وعهدك المزدهر غير
كنك بحر طيبك جزر.. والكرم مد
وشعبك لفوا لضفاف جودك طوابير
ولك الغلا والحب مع صادق الود
مستوطنين القلب ماهم مسايير
سلامتك ياآبوي كثر المحبين
اللي عطوك القلب حب وكرامه
سلامتك ياآبوي كثر المصلين
اللي دعوا لك بالأجر والسلامة
سلامتك ياآبوي كثر المساكين
اللي غمرهم طيب ذاتك شهامه
سلامتك ياآبوي كثر المعادين
اللي شهدوا لك بالفكر والزعامه
من يوم رحت وعد الايام بسنين
والليل يوحش في غيابك ظلامه
ياللي غرست الحب لو نبكي الحين
هذا ولاء شعبك وهذا هيامه
عاملتهم بالعطف والرفق واللين
وعدلت فيهم ورسموك ابتسامه
مانت بملكنا وبس ياقرة العين
اسمك حبيب الشعب وصادق غرامه
ـــــــــــــــــــــــــ
التصميم من مكتبة تصاميم عاشق زيزو او طالع الاسمري
الكلمات راقت لي
ــــــــــــــــــــــــــــــ
سلمت وسلم تصميمك وابداعك
متابع لكل ماتحويه مدونتك من تصاميم وقصائد
فأني من عشاق الاثنين (الشعر والتصميم)
اشكرك اماني على مرورك بمدونتي وتعليك الذي ازدادت مدونتي شرف ونور به لا تحرمـ/ي هذه المدونه من طلاتك
فهي اصبحت كالارض الجافة ومرورك اقبل عليها كالمطر
فبللت تلك الارض و عادت روعتها كما كنت اتخيلها انا
تحيتي العطره لك ولمرورك اخوك طالع الاسمري