حبيبتي من هو غيرك قد عشق فكره
طيف وخيال ونحول يكسر الخاطر
ماحذرك عاذلك من غيه وسحره
ما قال قلبه خراب وموسمه باير
لا بر في دفتره لا شهد في حبره
لا ضي في غربته متبعثر وحاير
كني سمعتك وكل العين منتثره
دمع / صرختي مابين السيف والحافر
لا تذبحونه الم وان طال به عمره
فاق بخياله جمال الماضي والحاضر
اللي طعنتوه .. خلوا شبر في صدره
يلقى به العشق وقت يقيم ويسافر
الكوكب اللي تقول الناس ياصغره
من كثر ماهو بعيد وشوفهم قاصر
لا تحسدونه خذا من خبزكم كسره
للجوع واعطى شباب القلب والناظر
اللي قليله قليل فاض من كثره
واللي كثيره قليل الجوهر النادر
اصابعه وان حسبتوا كلها عشره
واصابعه وان حسبتو مالها آخر
في كل ارض حفر وديانها ظفره
وفي كل صخر بياض عضامها نافر
كل ما نجرح شع نزفه واشتعل فكره
وكل ما بكى كل دمعه تولد بشاعر
ـــــــــــــــــــــــــــــــــــــــ
الصوره من مكتبة تصاميم عاشق زيزو او طالع الاسمري
الكلمات للشاعر الامير / بدر بن عبد المحسن
